KÖLLE

Ich muss dir hück ens sage,  wie jähn ich dich doch hann.
denn du du bes ming Stadt,   un dat e leeve lang.
He ben ich jeboore,   he jehür ich hinn
en andre Stadt die köm,   mir nit en de Sinn

Ben ich ens fähn vun Kölle,    driev et mich widder flöck zeröck
zwei Woche keine Dom jesinn,  dat mäht mich janz verröck.
Un wenn mansch andre Lück,   dat nit su leich verstonn
die solle doch ens nur,   ze fooss durch Kölle jonn.

En Kölle do ben ich zu Hus.
Us Kölle krett mich keiner mieh rus.
Bliev en Kölle, säht mir minge Verstand
Kölle, kumm ich reich dir ming Hand.

Et es nit nur dä Dom,   dä mir ahn Kölle su jefällt,
et es nit nur dä Karneval ,  oder e Kölsch wat mich he hält,
Do bes en tolle Stadt,    un do häs ding Eijenart,
die Minsche die he Lääve,   met denne kütt mer jot parat.
 

Dröm ben ich och su stolz ,   dat ich us kölle benn
et Kölsche Hätz schläht övverall,    do wo die Kölsche sinn
Bliev su wie du bes,    dat mer en Hundert Johr noch säht.
Kölle,    do bes en Reise wehrt.

En Kölle do ben ich zu Hus.
Us Kölle krett mich keiner mieh rus.
Bliev en Kölle, säht mir minge Verstand
Kölle, kumm ich reich dir ming Hand.

En Kölle do ben ich zu Hus.
Us Kölle krett mich keiner mieh rus.
Bliev en Kölle, säht mir minge Verstand
Kölle, kumm ich reich dir ming Hand.